12 январь, шанба куни футбол бўйича Осиё Кубоги 2-турининг «D» гуруҳидаги биринчи учрашувда Эрон терма жамоаси Вьетнам термаси устидан 2:0 ҳисобида ғалаба қозонди.
Ўйиннинг 38—69-дақиқаларида Эрон терма жамоаси ҳужумчиси Сардор Азмун Вьетнам дарвозасини 2 марта ишғол қилиб, дублга эришди.
Футболчи ҳозирча мусобақанинг тўпурарлар рўйхатида етакчилик қилмоқда. 2 та тур бўйича унинг ҳисобида 3 та гол мавжуд.
Маълумот учун, бугун «D» гуруҳидаги навбатдаги баҳс Яман ва Ироқ қаршилиги остида ўтади.
Осиё Кубоги—2019
«D» гуруҳи, 2-тур
12 январь, шанба
Вьетнам—Эрон 0:2
Голлар: 0:1 — 38 Сардор Азмун, 0:2 — 69 Сардор Азмун.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)