Расман: Вадим Абрамов «Бунёдкор»га бош мураббий бўлди

Тошкентнинг «Бунёдкор» клубига Вадим Абрамов бош мураббий этиб тайинланди. Бу ҳақда клуб матбуот хизмати хабар берди.

Миржалол Қосимов ОКМКга ўтгач, вақтинча унинг ўрнида Шуҳрат Мақсудов ишлаб турганди.

Бу орада клуб бош директори Мурод Алиев ўз хоҳишига кўра ишдан кетди. Унинг ўрнига эса Улуғбек Мирзаев (бунгача клубда спорт директори бўлиб ишлаб келаётганди) директор бўлди.

Ундан аввалроқ эса клубнинг Сергей Симоненко билан боғлиқ ҳолат сабаб, Про-Лигага тушириб юборилиши борасида ФИФАдан хат келганлиги ҳақида хабар берилди.