Осиё Кубоги 1-туридан ўрин олган Ўзбекистон—Уммон (2:1) учрашувидан сўнг аргентиналик мутахассис Эктор Купер журналистларнинг саволларига жавоб қайтарди.
Ўйин ҳақида— Узоқ кутилган ўйинни ўтказдик ва ғалаба қозондик. Натижадан барча хурсанд. Уммон мен кутганга нисбатан бирмунча кучлироқ кўринди. Бу каби тезкор ва ҳужумкор ўйин кўрсатишини кутмагандим очиғи. Менимча, ҳар иккала тайм икки хил кўринишда бўлди. Биринчи бўлимда биз яхшироқ ўйнадик. Иккинчи таймда эса жамоа бўшашди. Натижада ўйин тенглашди. Аммо учрашув сўнггида омад биз томонда бўлди ва ғалабани тантана қилдик. Муҳими стартни аъло кайфият билан бошладик.
Иккинчи бўлимдаги чуқур ҳимоявий ўйин ҳақида
— Айнан шундай кўрсатма берганим йўқ. Мен жамоадан кўпроқ тўп билан муомала қилиб, ўйинни назорат қилишни таъкидлагандим. Лекин Уммоннинг танаффусдан кейинги ўйини кўп нарсани ўзгартириб юборди. Шунинг натижасида ҳимояланишга мажбур бўлдик.
Ўйинчиларнинг ҳолати ҳақида
— Футболчиларимиз чарчаган эди дея олмайман. Лекин уларда асабий ҳолат кузатилди. Шу боисдан ҳам сизга тетик эмасдек кўринган бўлиши мумкин.
Футболчиларнинг индвидиуал ҳолати ҳақида
— Мен доим жамоавий ўйинга эътибор қаратаман. Алоҳида футболчиларни ёки уларнинг индивидуал ҳаракатларини таҳлил қилмайман. Улар билан яккама-якка гаплашиб, баъзи нарсаларни муҳокама қилишим мумкин. Лекин футболчиларга алоҳида баҳо бермайман.
Эктор Купер, Ўзбекистон терма жамоаси бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)