Виржил ван Дейк — АПЛнинг декабрь ойидаги энг яхши футболчиси

«Ливерпуль» ҳимоячиси Виржил ван Дейк Англия премьер лигасида декабрь ойининг энг яхши ўйинчиси деб топилди. Бу ҳақда лиганинг Twitter’даги расмий саҳифасида хабар берилди.

У мазкур ойда «Ливерпуль» сафида 1 та гол урди, 1 та голли узатма бериб, 4 та қуруқ ўйин ўтказди.

Нидерландиялик ўйинчи бу йўлда қуйидаги футболчиларни ортда қолдирди:

• Фелипе Андерсон («Вест Ҳэм», 4 та гол ва 1 та голли узатма)
• Эден Азар («Челси», 3 та гол ва 5 та голли узатма)
• Сон Ҳён Мин («Тоттенҳэм», 6 та гол ва 3 та голли узатма)
• Ҳарри Кейн («Тоттенҳэм», 6 та гол ва 2 та голли узатма)
• Маркус Рэшфорд («Манчестер Юнайтед», 3 та гол ва 5 та голли узатма)
• Муҳаммад Салоҳ («Ливерпуль», 6 та гол ва 4 та голли узатма)