10—11 январь кунлари футбол бўйича Испания Кубогининг 1/8 финали доирасида навбатдаги ўйинлар ўтказилди.
«Севилья» клуби меҳмонда «Атлетик Бильбао» жамоаси билан баҳсга киришиб, 3:1 ҳисобида ғалаба қозонди.
Учрашувнинг 6-дақиқасида Нолито «Атлетик Бильбао» дарвозасига тўп киритиб, ҳисобни очди (0:1).
2-бўлимнинг 49-дақиқасига келиб Микел Сан-Хосе Маркел Сусаэта узатган тўпни «Севилья» дарвозасига жойлаб қўйди (1:1). Орадан 4 дақиқа ўтиб, Андре Силва гол урди ва жамоасини ҳисобда олдинга олиб чиқди (1:2). Ўйиндаги сўнгги гол 77-дақиқада киритилди. Унга Виссам Бен-Йеддер муаллифлик қилди ва ғалабани мустаҳкамлади (1:3).
Эрнесто Вальверде қўл остидаги «Барселона» клуби сафарда «Леванте» меҳмони бўлди ва кичик ҳисобда мағлубиятга учради.
Учрашувнинг 4-дақиқасидаёқ мезбон жамоа аъзоси Эрик Кабако ҳисобни очган бўлса, 18-дақиқада Борха Майорал Яспер Киллессен қўриқлаётган дарвозага жамоасининг 2-голини киритди (2:0).
Баҳснинг асосий вақти тугашига 5 дақиқа қолганда Филиппе Коутиньо пенальтидан рақиб дарвозасига гол киритди.
Испания Кубоги
1/8 финал баҳслари
10 январь, пайшанба
«Атлетик Бильбао»—«Севилья» 1:3
Голлар: 0:1 – 6 Нолито, 1:1 – 49 Сан-Хосе, 1:2 – 53 Силва, 1:3 – 77 Бен-Йеддер.11 январь, жума
«Бетис»—«Реал Сосьедад» 0:0
«Леванте»—«Барселона» 2:1
Голлар: 1:0 – 4 Кабако, 2:0 – 18 Майорал, 2:1 – 85, пенальти, Коутиньо.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)