Бухоро вилоятининг Пешку туманидаги 3-ўрта таълим мактаби ўқитувчиси Меҳриддин Қосимов муаммоли вазиятга дуч келди. Бу ҳақда «Халқ сўзи» маълум қилди.
Уйининг том қисмига шифер ётқизиш мақсадида Меҳриддин Вобкент туманидаги якка тартибдаги тадбиркор I. Жумаевдан 200 дона, ҳар бирининг нархи 34500 сўмдан жами 6 900 000 сўмга шифер маҳсулотини сотиб олади. Бироқ орадан бироз вақт ўтиб шиферларнинг бир қисми ўз-ўзидан ёрилиб, яроқсиз ҳолга келади.
Бу ҳолат бўйича сотувчига мурожаат қилган истеъмолчи жўяли жавоб олмаган: на тўлов пули қайтарилган, на сифатли шефирга алмаштириб берилган. Охир оқибат Вобкент туман Истеъмолчилар ҳуқуқларини ҳимоя қилиш жамиятига шикоят билан мурожаат қилиб, ёрдам беришларини сўраган.
Жамият ходимлари томонидан фуқаронинг хонадонига бориб вазият ўрганилганда ҳақиқатдан 58 дона шифер ёрилиб, яроқсиз ҳолга келгани аниқланди.
Тадбиркор I.Жумаев томонидан 60 дона яроқсиз шифер маҳсулоти янгисига алмаштирилиб, уста харажатлари учун 600 000 сўм нақд пул ундириб берилди. Жами 2 700 000 сўмлик харажат қоплаб берилди.
Изоҳ (0)