Ўзбекистон тасвирий санъат галереясида «Тилсиз истиғфор» кўргазмаси иш бошлади
Ўзбекистон тасвирий санъат галереясида Татьяна Фадееванинг «Тилсиз истиғфор» («Безмолвная исповед») шахсий кўргазмаси иш бошлади. Бу ҳақда галерея ахборот хизмати хабар берди.
Рассомлик тўпламидан беш туркумдаги суратлар жой олган бўлиб, уларнинг асосий ғоясида инсон ўзлигини англаш ётади.
Рассомлик тўпламидан беш туркумдаги суратлар жой олган бўлиб, уларнинг асосий ғоясида инсон ўзлигини англаш ётади.
«МатериЯ» туркуми яралиш, қувват ва туғилиш ҳисларининг уйғунлигига бағишланган. Абадийлик ва бугуннинг ҳақиқий қиймати — «Абадий севги» ва «Муқаддас оила» туркумларидан, инсонга хос ҳиёнат ҳақидаги ўйлар «Сеҳр. Сўнгги инъомлар» туркумидан жой олган.«Кичик одам» туркуми рассомнинг рассомчиликдаги автобиографияси ҳақида сўзлайди. Бу ерда асосий рол рассомники бўлиб, унда шаҳарлар, одамлар, олинган билим ва тажриба шахсий қарашлар, кечинмалар фонида ўзгариб боради.Татьяна Фадеева ўзининг тасвирий тили ва фикрлаш услубини ўзига хослигини профессионал алмашинув билан тушунтиради: у ихтисослиги бўйича театр рассоми ва шу сабабдан биринчи навбатда кенглик билан ишлайди.
Татьяна Фадееванинг ижодий фаолиятида атига иккита шахсий экспозицияси мавжуд. Биринчиси «Илҳом» театрида саккиз йил олдин ўтган, ҳозиргиси эса Тасвирий санъат галереясида 25 январга қадар давом этади.
