Осиё Кубоги доирасида бугун иккита ўйин бўлади: Ироқ—Вьетнам, Саудия Арабистони—КХДР

8 январь, сешанба куни футбол бўйича Осиё Кубоги мусобақасанинг 1-тури доирасида 2 та учрашув бўлиб ўтади.

«D» гуруҳининг иккинчи ўйинида Ироқ терма жамоаси Вьетнам термаси билан баҳсга киришади. Учрашувга Тошкент вақти билан 18:30 да старт берилади.

Эслатиб ўтамиз, ушбу гуруҳнинг биринчи баҳсида Эрон термаси Яман терма жамоаси устидан йирик 5:0 ҳисобида ғалаба қозонди.

«E» гуруҳида 1-тур доирасида битта беллашув ўтказилади. Ушбу ўйинда Саудия Арабистони терма жамоаси КХДР термаси билан жанг қилади. Баҳс 21:00 да бошланиши белгиланган.

Маълумот учун, «E» гуруҳининг иккинчи ўйини Ливан терма жамоаси ва Қатар термаси ўртасида кечади. Беллашув 9 январь, чоршанба куни бўлиб ўтади.