6 январь, якшанба куни футбол бўйича Осиё Кубоги мусобақасининг 1-тури доирасида бўлиб ўтиш белгиланган учта учрашувнинг яна иккитаси якунланди.
Жумладан, «А» гуруҳининг иккинчи ўйинида Ҳиндистон терма жамоаси Таиландни 4:1 ҳисобида мағлуб этди. Ҳинд термаси сафида Сунил Четри дублга эришди, яна иккита голга эса Анриудҳ Тапа ва Жеже Лалпекҳлуа муаллифлик қилди. Таиландликларнинг ягона жавоб голи эса Терасил Дангда ҳисобига ёзилди.
Мазкур ғалабадан сўнг Ҳиндистон терма жамаоси «А» гуруҳида пешқадам бўлиб олди. БАА ва Баҳрайн эса 1 очкодан жамғариб, иккинчи ва учинчи ўринларни бўлишиб турган бўлса, сўнгги ўринга Таиланд жойлашди.
Равшан Эрматов ҳакамлик қилган «B» гуруҳининг иккинчи ўйинида Сурия терма жамоаси Фаластин билан 0:0 ҳисобида дуранг ўйнади. Гуруҳнинг биринчи ўйинида Австралияни мағлуб этган Иордания терма жамоаси 1-турдан сўнг пешқадамга айланган бўлса, Сурия ва Фаластин 1 очко билан иккинчи ва учинчи ўринга жойлашди. Амалдаги чемпион Австралия эса мағлубият сабаб ҳозирча сўнгги поғонадан ўрин олди.
Осиё Кубоги—2019
«А» гуруҳи, 1-тур
6 январь, якшанба
Таиланд – Ҳиндистон 1:4
Голлар: 0:1 — 27 Сунил Четри, 1:1 — 33 Терасил Дангда, 1:2 — 46 Сунил Четри, 1:3 — 68 Анирудҳ Тапа, 1:4 — 80 Жеже Лалпекҳлуа.«B» гуруҳи, 1-тур
Сурия — Фаластин 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)