Бу бошқарув кадрларини тайёрлаш тизимини тубдан такомиллаштиришни тақозо этади. Шу мақсадда Ўзбекистон Президенти Шавкат Мирзиёевнинг 2017 йил 8 августда «Ўзбекистон Республикаси Президенти ҳузуридаги Давлат бошқаруви академиясида бошқарув кадрларини тайёрлаш, қайта тайёрлаш ва уларнинг малакасини оширишнинг самарали тизимини янада ривожлантириш чора-тадбирлари тўғрисида»ги фармони қабул қилинди, деб ёзмоқда ЎзА.
Фармонда белгиланган устувор вазифаларнинг бажарилишини таъминлаш мақсадида Академия томонидан бир қатор тадбирлар амалга оширилди. Академияда таълим жараёнига профессор-ўқитувчилар билан биргаликда 30 дан ортиқ давлат ва жамият бошқаруви соҳасидаги тажрибали мутахассислар жалб этилди. Қисқа муддатли курсларда 1,6 мингдан зиёд бошқарув кадрлари малака оширди.
Масофавий таълимнинг замонавий усуллари, хусусан E-study (estudy.dba.uz) номли электрон ўқув курслари портали яратилди.
Портал орқали Россия халқ хўжалиги ва давлат хизмати академияси, М. Ломоносов номидаги Москва давлат университети, Олий иқтисодиёт мактабининг Амалий психология институти (Россия), Инсон ресурсларини ривожлантириш миллий институти, Сеул Миллий университети (Корея) мутахассислари билан ҳамкорликда тренинглар ва семинарлар ташкил этилмоқда.
Малака ошириш курсларидан муваффақиятли ўтган бошқарув кадрларига сертификатлар топширилмоқда.
Изоҳ (0)