Тошкентда 7 ноябрь куни қариялар, ногиронлиги бўлган шахслар ва фуқароларнинг заиф тоифаларига тиббий-ижтимоий ёрдам бериш, уларнинг жамоат-сиёсий ҳаётдаги иштироки, шунингдек, ногиронлиги бор шахсларнинг меҳнат ва бандлиги масалалари бўйича халқаро семинар бошланди, деб ёзади «Газета.uz».
Тадбир Соғлиқни сақлаш вазирлиги, Ўзбекистон ногиронлар уюшмаси ва БМТнинг Иқтисодий масалалар департаменти томонидан БМТнинг Ногиронлар ҳуқуқлари тўғрисидаги конвенциясининг Ўзбекистон томонидан ратификация қилиниши учун ўтказилмоқда.
Семинарда Ўзбекистон, Россия, Қозоғистон, Қирғизистон, Арманистон, Германия, Украина, Озарбайжон ва Молдова ногиронлар жамиятлари вакиллари қатнашмоқда.
Ногиронлар уюшмаси раиси ўринбосари Абдулла Абдухалиловнинг сўзларига кўра, Ўзбекистондаги ногиронлар манфаат ва ҳуқуқларини ҳимоя қилиш билан шуғулланувчи 78 да ноҳукумат нотижорат ташкилотлар БМТнинг Ногиронлар ҳуқуқлари тўғрисидаги конвенциясини ратификация қилиш миллий режаси лойиҳасини ишлаб чиққан.
Ногиронлар ННТлари, шунингдек, Ўзбекистон сиёсий партиялари билан меморандумлар имзолади, бу уларга ҳукуматнинг қонун чиқарувчи ва ваколатли органларига ўз номзодларини илгари суриш имконини беради.
Изоҳ (0)