22—26 август кунлари Тошкент шаҳар ИИББ ЙҲХБ ходимлари томонидан олиб борилган текширув ишларида жамоат транспорти ҳайдовчилари ва масъул шахслар томонидан йўл қўйилган бир қатор қўпол қоидабузарликлар аниқланди. Бу ҳақда ИИББ матбуот хизмати хабар бермоқда.
Хусусан, Чилонзор туманида «Трансфер такси» МЧЖга тегишли Cobalt автомобили тўхтатилиб, линияга мажбурий техник кўрикдан ўтмаган автомобиль чиқарилгани учун, такси ҳайдовчиси ва ушбу МЧЖ раҳбарига нисбатан маъмурий баённомалар тузилди.
Бектемир туманида «Миркомил транс сервис» МЧЖга тегишли микроавтобусни зарур ҳужжатларсиз бошқариб кетаётган ҳайдовчи тўхтатилди, бу ҳолатда ҳам маъмурий баённомалар тузилди.
Яшнобод туманида тўхтатилган Isuzu автобуси ҳайдовчисига нисбатан автомобиль йўлидаги белгига риоя қилмагани учун маъмурий баённома тузилди.
Шунингдек, Олмазор, Сергели ва Бектемир туманларида носоз Mercedes-Benz автобусларини бошқариб кетаётган ҳайдовчилар тўхтатилиб, тегишли баённомалар тузилди.
Изоҳ (0)