Жиноят ишлари бўйича Жиззах вилояти Янгиобод туман судининг фуқаро Э.Мга нисбатан очилган жиноят ишини кўриб чиқди. Бу ҳақда суд ахборот хизмати «Дарё»га хабар бермоқда.
Жиноят ишида тўпланган ҳужжатларга кўра фуқаро Э.М. хавфли рецидивист бўла туриб, такроран 5 июндан 25 июнь кунига қадар ўзганинг мол-мулкини яширин равишда ўғирлик йўли билан талон-тарож қилиш мақсадида таниши К.Рнинг уйига илгаридан ўғрилик қилиш ниятида ясатиб олиб қўйган эшик калити билан уй эшигини очиб кириб, уйда ҳеч ким йўқлигидан фойдаланиб, уйга кирган.
Фуқаро уйдан 300 000 сўмлик бир дона катта ҳажмли мантиқозонни, 300 000 сўмлик икки дона кичик ҳажмли мантиқозонларни, 270 000 сўмлик беш дона ҳар-хил катталикдаги қозонларни, 160 000 сўмлик тўрт дона товаларни, 350 000 сўмлик бир дона чойшабни, 70 000 сўмлик бир дона соч олиш аппаратини, 800 000 сўмлик бир дона француз атрини, 25 000 сўмлик беш жуфт пайпоқларни, 15 000 сўмлик икки дона простиналарни, 80 000 сўмлик тўрт дона сочиқларни, 90 000 сўмлик уч дона кичик ҳажмли радиоларни, 45 000 сўмлик бир дона аёллар кофтасини, 700 000 сўмлик бир дона Nokia русумли телефон аппаратни, 2 000 000 сўмлик бир дона Samsung русумли телефон аппаратини, 800 000 сўмлик телефон аппарати эҳтиёт қисмларни, 350 000 сўмлик бир дона кампот чиқарувчи аппаратни, 50 000 сўмлик бир дона дазмолни, 47 000 сўмлик бир дона аёллар сумкасини,45000 сўмлик уч дона сапол тавоқларни, 70 000 сўмлик бир дона сув идишни,700 000 сўмлик бир дона 5х4 метрли гиламни, 540 000 сўмлик икки дона 3х4 метрли гиламларни, 350 000 сўмлик бир дона кичик ҳажмли қизил рангли гиламни ва 800 000 сўмлик бир дона тўк печларни яширин равишда ўғирлаб, воқеа жойидан ғойиб бўлган.
Суд мажлиси Э.М. ўз айбига иқрорлик билдириб 2018 йил май ойида таниши К.Р.ни уйига меҳмондорчиликка бориб, уйига қайтиш вақтида уни уйининг эшиги калитини билдирмасдан олиб кетганлиги, эртаси куни Жиззах шаҳридаги Кўк бозорга бориб, уй калитидан ўзига нусха ясатиб олиб, сўнг калитни К.Р.га олиб бориб боласи калитни кўтариб кетиб қолганлигини айтиб, бериб кетганлиги, шундан сўнг орадан бир ҳафта ўтиб, у К.Р.нинг уйига бориб, уйида ҳеч ким йўқлигидан фойдаланиб, ясатиб олган калити билан уй эшигини очиб, уй ичкарисидаги бўлган уй жиҳозлари ва буюмларни ўғирлаб кетганлигини баён қилди.
Жиноят ишлари бўйича Жиззах вилояти Янгиобод туман судининг ҳукми билан фуқаро Э.М. Ўзбекистон Республикаси Жиноят кодексининг 169-моддаси (ўғрилик) 3-қисмининг «а» бандида назарда тутилган жиноятни қасддан содир этганликда айбли деб топилиб, Жиноят кодексининг 57-моддаси (енгилроқ жазо тайинлаш) қўлланиб уч йил муддатга озодликни чеклаш жазоси тайинланди.
Изоҳ (0)