Агриппина Шин мактабгача таълим вазирлиги шу кунгача эришган ютуқлари ҳақида маълумот берди

27 август куни Мактабгача таълим вазирлиги томонидан мактабгача таълим тизими педагог ва раҳбар ходимларининг биринчи йиллик конференцияси ўтказилди. Бу ҳақда вазирлик матбуот хизмати «Дарё» га маълум қилди.

Янги ўқув йили арафасида Мактабгача таълим вазирлиги «2018–2019 ўқув йилида мактабгача таълим тизимини ривожлантиришининг стратегик устуворликлари – ҳаммабоплик ва сифат» биринчи йиллик анжуманини ўтказди.

Пленар сессиянинг интерактив видео-формати залга йиғилган 140 нафар мактабгача таълим ходимларинигина эмас, балки мамлакатнинг барча минтақаларидаги 5 мингдан зиёд мутахассисларни ҳам қамраб олиш имконини беради. Нодавлат мактабгача таълим муассасалари раҳбарлари, Олий ва ўрта махсус таълим вазирлиги, Халқ таълими вазирлиги, Таълим сифатини назорат қилиш давлат инспекцияси, Низомий номидаги Тошкент давлат педагогика университети, Тошкентдаги Пучон (Корея) университети филиали, шунингдек UNESCО, UNICEF ва Жаҳон банки вакиллари тадбир меҳмонлари бўлди.

«2018–2019 ўқув йилида мактабгача таълим тизимини ривожлантиришнинг стратегик устуворликлари – ҳаммабоплик ва сифат» тақдимоти билан Ўзбекистон Республикаси мактабгача таълим вазири Агриппина Шин маъруза қилди. Ўз чиқишида вазир мактабгача таълим вазирлигининг қатор ютуқларини қайд этди:

• 27 та норматив-ҳуқуқий ҳужжат қабул қилиш орқали мактабгача таълим ҳуқуқий базаси яхшиланди;
• Мактабгача таълим муассасалари моддий-техник базаси мустаҳкамланмоқда ва тармоғи кенгайтирилмоқда. 2018 йилда таъмирланаётган мактабгача таълим муассасалари сони 2017 йилдагига қараганда қарийб 3 баробарга (105 тага нисбатан 298 та), янги қурилиш объектлари сони эса, 2 тадан 40 тага ўсди.
• Нодавлат мактабгача таълим муассасалари тармоғи кенгаймоқда, улар сони 568 тага етди.
• Давлат-хусусий шериклик тамойили асосида ташкил этилган мактабгача таълим муассасалари сони жадал ортмоқда – бугунги кунгача давлат-хусусий шериклик тўғрисида 741 та келишув имзоланди.
• Педагоглар ва тарбиячилар малакасини ошириш ишлари ўтказилмоқда. 2018 йилда 9 мингдан зиёд ходим қайта тайёрланди.
• «Болани мактабгача таълим муассасасига навбатга қўйиш» интерактив хизмати йўлга қўйилди.
• Мактабгача таълим педагоглари базавий тариф ставкалари 2 баробарга оширилди.
• Вазирнинг 2018 йил 15 июлдаги буйруғига кўра, ҳисоботлар ҳажми сезиларли қисқартирилди.
• Мактабгача таълим бошқаруви ахборот тизими (EMIС) жорий этилди.

Амалий сессия Миробод туманидаги 34- сон ва 164- сон мактабгача таълим муассасаларида ўтказилди, у ерда олтитта мавзудаги: «Ауцорсинг услубида болалар учун соғлом ва хавфсиз овқатланишни ташкил этиш», «Мактабгача таълим муассасасида инновацион таълим муҳитини ташкил этиш», «Open EMIС таълим бошқаруви ахборот тизимини жорий этиш», «Табиатда таълим фаолиятидан лавҳа», «Мактабгача таълим муассасаларидаги тарбия-таълим жараёнларида мультимедиа технологияларини қўллаш» ва «Мактабгача таълим муассасаларидаги ривожлантириш марказларини жиҳозлашга ижодий ёндашув» майдонлари ташкил этилди. Олинган тажриба ҳар бир минтақа ва мактабгача таълим муассасасининг шароитидан келиб чиқиб, амалда қўлланилади.

Тадбир ўтган давр якунларини чиқариш, «ўсиш нуқта»ларини белгилаш ва келгуси ўқув йили учун асосий вазифаларни белгилаш имконини берди. Конференция мактабгача таълим соҳасида давлат сиёсатини амалга ошириш масалаларини муҳокама қилиш учун самарали баҳс-мунозара майдони бўлди.