Forbes журнали энг юқори ҳақ тўланадиган спортчилар ва шоу-бизнес вакиллари рейтингини эълон қилди, деб ёзади Meduza.
2018 йилда рейтингнинг биринчи поғонасини америкалик боксчи Флойд Мэйуэзер эгаллади. Рейтинг тузувчиларнинг ҳисоб-китобига кўра, у бир йил ичида 285 миллион доллар ишлаб топган. Шундан 275 миллион долларини Мэйуэзер Конор Макгрегор билан жанги учун олган.
Рейтингнинг иккинчи ўрнини актёр Жорж Клуни эгаллаган. У текила ишлаб чиқарадиган Casamigos компаниясини сотгани учун 239 миллион доллар даромад кўрди.
Рейтингнинг учинчи ўрнидан Ким Кардашяннинг синглиси, реалити-шоу иштирокчиси Кайли Женнер жой олди. У 166,5 миллион доллар даромад қилди.
Изоҳ (0)