Туркияда 11 июлдан эътиборан театрларни молиялаштириш тўхтатилди, барча спектакллар ва театрлар доирасидаги ҳар қандай ижодий фаолият бекор қилинди, артистлар билан шартномалар тўхтатиб қўйилган. Бу ҳақда, Туркия президентининг тегишли фармонига асосланиб, «Коммерсантъ» хабар бермоқда.
Ушбу фармон билан давлат драматик театрларини молиялаштирувчи Турк давлат театрлари директорати (DT) ҳамда давлат мусиқали театрлари фаолиятини тартибга солувчи Туркия опера ва балет театрлари директорати (DOB) фаолияти тўхтатилган. Тахминларга кўра, бу икки ташкилот ўрнига яқин вақт ичида бевосита президент Эрдўғон томонидан назорат қилинадиган янги тузилма ташкил этилади.
DT Туркиянинг 19 шаҳридаги 52 саҳна майдончасининг эгаси эди, DOB эса Анқара, Истанбул, Измир, Мерсин, Анталия ва Самсундаги опера ва балет компанияларига эгалик қиларди.
24 июнь куни бўлиб ўтган сайловларда Ражаб Тоййиб Эрдўғон Туркия президенти лавозимига қайта сайланди. 9 июль куни у қасамёд қилди. Лавозимга расман киришиши билан, Эрдўғон Туркиянинг парламент республикадан президентлик давлатига айланиш жараёнини якунлади.
Изоҳ (0)