Ўзбекистонда хизмат кўрсатган артист Улуғбек Раҳматуллаевнинг лицензияси жорий йилнинг 27 июнидан хонанданинг вилоятларда ўтказилган тадбирларда иштирок этмаганлиги туфайли тугатилганлиги ҳақида хабар берилган эди.
«Ўзбекконцерт» давлат муассасасининг маълум қилишича, 11 июлдан бошлаб Улуғбек Раҳматуллаевнинг лицензияси қайтариб берилган.
« Хонанда Улуғбек Раҳматуллаев муассасага мурожаат билан чиқиб, у ўз хатосини тушуниб етганлигини ва ўз ташаббуси билан чекка ҳудудларда концерт бериш ниятида эканини билдирди. Унинг бу мурожаати муассаса томонидан қўллаб қувватланиб, хонанда жорий йилнинг 10 июль куни Самарқанд вилоятининг Нуробод тумани Жом қишлоғида санъацевар халқимизга ўзининг хайрия концерт дастурини тақдим этди.
Улуғбек Раҳматуллаевнинг ўз хатосини тушуниб етганлигини ва ўзи ташаббус кўрсатиб хайрия концерт дастурини намойиш этганлигини инобатга олиб, ‘Ўзбекконцерт’ давлат муассасаси ҳузуридаги Ижодий кўмаклашувчи вакиллар гуруҳи йиғилишида 11 июлдан хонанданинг лицензияси қайтариб берилиши маъқул деб топилди», — дейилади хабарда.
Изоҳ (0)