Европа Иттифоқи кенгаши Россияга қарши иқтисодий санкцияларнинг амал қилиш муддатини узайтирди. Бу ҳақда кенгаш ахборотига таяниб, «РИА Новости» хабар берди.
Июль ойида ўз кучини йўқотиши керак бўлган чекловлар 2019 йилнинг 31 декабрига қадар узайтирилди.
Бу қарор Франция президенти Эммануэль Макрон ва Германия канцлери Ангела Меркелнинг Европа кенгашида 28—29 июнь кунлари сўзлаган нутқларидан кейин қабул қилинган. Унда Минск келишувларининг бажарилиши ҳақида гап борган, санкциялар ҳам айнан шу келишувлар билан боғлиқ.
Россия ТИВ томонидан қайд этилишича, Европа Иттифоқи санкцияларни узайтириш орқали Россия билан муносабатлардаги ўз ёндашувини қайта кўриб чиқиш имконини бой берди.
Изоҳ (0)