Екатеринбург суди бугун, 5 июль куни ўз хонадонига 9,2 минг хорижий фуқарони прописка қилдирганликда айбланаётган фуқарога нисбатан очилган жиноят ишини кўриб чиқади, деб хабар беради Sputnik.
«Екатеринбург вилоятининг Оржоникидзевский тумани 7-суд участкасида муҳожирларни ноқонуний прописка қилиш юзасидан суд иши бошланади», — дейилади хабарда.
Эркакни фуқаролиги бўлмаган шахслар ёки хорижий давлатлар фуқароларини ноқонуний тарзда пропискага қўйганликда айблашмоқда.
Қайд этилишича, якка тартибдаги тадбиркор бўлган Россия фуқароси ноқонуний фаолият билан 2015 йилдан 2018 йилга қадар шуғулланиб келган.
Эркак хорижий фуқароларни пропискага қўйиб бергани учун бир ярим мингдан беш минггача пул олган. Умумий миқдорда эркак бир ярим йил ичида 9274 нафар фуқарони ўз уйига рўйхатга киритган.
Россия фуқароси мазкур қилмиши учун уч йилгача қамалиши мумкин.
Изоҳ (0)