АҚШнинг Нью Йорк штатида 28 июль куни қуролланган эркак одамларга қарата ўт очди. Ҳодиса оқибатида тўрт киши, жумладан, полиция ходими ҳалок бўлди. Бу ҳақда CNN хабар берди.
Эркак М4 ҳужум милтиғи билан қуролланган бўлган. У Манҳеттен шаҳридаги Миллий футбол лигаси (NFL) ва Blackstone инвестиция компанияси офислари жойлашган бинода одамларга қарата ўт очган. Ҳужум қилган шахс 27 ёшли Шане Девон Тамура ҳисобланади. У отишмадан сўнг ўзига ҳам ўқ узиб, жонига қасд қилган. Эркак илгари руҳий муаммолари сабабли рўйхатга олинган, бироқ ҳодисанинг сабаби ҳозирча ўрганилмоқда.
Отишмада ҳалок бўлган Нью Йорк полиция бошқармаси ходими Дидарул Ислом экани аниқланган. Расмийларнинг айтишича, у АҚШга Бангладешдан кўчиб келган ва рафиқаси ҳозирда ҳомиладор. Шаҳар мери Эрик Адамснинг маълумотига кўра, Ислом 36 ёшда бўлган ва Нью Йорк полициясида 3,5 йилдан буён хизмат қилган.
Изоҳ (0)