Бир неча соатдан сўнг Россияда ҳар тўрт йилликнинг энг йирик футбол мусобақаси — Жаҳон Чемпионати беллашувлари старт олади.
Навбатдаги мундиални мезбонлар — Россия ҳамда Осиё қитъаси номидан мусобақада иштирок этадиган Саудия Арабистони ўртасидаги учрашув очиб беради. Очилиш учрашуви Тошкент вақти билан 20:00 да бошланади. Беллашувни Нектор Питана бошчилгидаги ҳакамлар бригадаси бошқариб боради.
Маълумот учун Ўзбекистон Президенти Шавкат Мирзиёев Россия президенти Владимир Путиннинг таклифига биноан футбол бўйича Жаҳон Чемпионати очилиш маросимида иштирок этиш учун Москвада бўлиб турибди.
«Дарё» одатга кўра Жаҳон Чемпионати ўйинларидан матнли онлайн трансляциялар олиб боради. Шунингдек, барча қизиқарли янгилик ва натижаларни «Россия—2018» бўлими орқали кузатиб боришингиз мумкин бўлади.
Бундан ташқари энг тезкор спорт янгиликларини сайтнинг Telegram мессенжеридаги «Дарё — спорт янгиликлари» каналида ҳам кузатиб бориш имконияти яратилди. Каналга қуйидаги ҳавола орқали аъзо бўлиш мумкин: https://t.mе/daryo_sport
Тўрт йилликнинг энг муҳим футбол мусобақасини «Дарё» билан бирга кузатиб боринг!
Изоҳ (0)