Bir necha soatdan so‘ng Rossiyada har to‘rt yillikning eng yirik futbol musobaqasi — Jahon Chempionati bellashuvlari start oladi.
Navbatdagi mundialni mezbonlar — Rossiya hamda Osiyo qit’asi nomidan musobaqada ishtirok etadigan Saudiya Arabistoni o‘rtasidagi uchrashuv ochib beradi. Ochilish uchrashuvi Toshkent vaqti bilan 20:00 da boshlanadi. Bellashuvni Nektor Pitana boshchilgidagi hakamlar brigadasi boshqarib boradi.
Ma’lumot uchun O‘zbekiston Prezidenti Shavkat Mirziyoyev Rossiya prezidenti Vladimir Putinning taklifiga binoan futbol bo‘yicha Jahon Chempionati ochilish marosimida ishtirok etish uchun Moskvada bo‘lib turibdi.
“Daryo” odatga ko‘ra Jahon Chempionati o‘yinlaridan matnli onlayn translyatsiyalar olib boradi. Shuningdek, barcha qiziqarli yangilik va natijalarni “Rossiya—2018” bo‘limi orqali kuzatib borishingiz mumkin bo‘ladi.
Bundan tashqari eng tezkor sport yangiliklarini saytning Telegram messenjeridagi “Daryo — sport yangiliklari” kanalida ham kuzatib borish imkoniyati yaratildi. Kanalga quyidagi havola orqali a’zo bo‘lish mumkin: https://t.me/daryo_sport
To‘rt yillikning eng muhim futbol musobaqasini “Daryo” bilan birga kuzatib boring!
Izoh (0)