Қозоғистонликлар ўз дидига мос автомобиль рақамларини танлаб олиш ҳуқуқига эга бўлди, деб ёзади «Nur.kz». Ягона чеклов — «Ҳукумат фуқаролар учун» давлат корпорациясида бор бўлган ва ўта талабгир рақамлар тоифасига кирмайдиган рақамларни танлаш мумкин.
Бунинг учун автомобиль эгалари давлат рақамини олишда тўланадиган стандарт сумма — бор-йўғи 6734 тенге (20 доллар) тўловни амалга ошириши керак.
Муайян сон ёки ҳарфлардан иборат «чиройли» рақам иштиёқмандларига бундай рақамларни буюртмага ясатиш таклиф қилинади.
Рақам белгилари тайёр бўлганидан кейингина, автомобиллар рўйхатдан ўтказилади. Транспорт воситаларини рўйхатга олиш бўйича янги қоидалар 26 майдан кучга киради.
Изоҳ (0)