Исроил ҳарбий-ҳаво кучлари Ғазо секторининг шимолий қисмидаги HАМAS объектларига яҳудийлар мамлакати позициясининг ўққа тутилишига жавобан зарба берди, деб хабар беради «ТАСС».
«Бир неча дақиқа олдин бизнинг қирувчиларимиз Ғазо секторининг шимолий қисмидаги HАМAS объектларига зарба берди.
Улардан тўрттаси террорчиларнинг ҳарбий мажмуасига тегишли. Яна учтаси эса қурол ишлаб чиқариш билан боғлиқ. Ҳужум Исроилнинг Сдерот шаҳрига пулемётдан ўқ узиш ҳаракатига жавобан амалга оширилди», — дейилади Исроил армияси хабарида.
14 май, душанба куни Ғазо секторида исроиллик ҳарбийлар ва Фаластин аҳолиси ўртасида зиддиятли тўқнашув юз берди. Тўқнашувлар оқибатида 60 нафар Фаластин фуқароси ҳалок бўлди.
Изоҳ (0)