Россия пойтахти Москва шаҳри мезбонлигида ўтган Меҳрибонлик уйлари тарбияланувчилари ўртасидаги Жаҳон Чемпионатида бош совринни қўлга киритган ўзбекистонлик ёш футболчилар бугун, 18 май санасида Тошкентга қайтиб келди, деб хабар беради ЎФА матбуот хизмати.
Ғолиблар Ислом Каримов номидаги Тошкент халқаро аэропортида Ўзбекистон жисмоний тарбия ва спорт вазирлиги, Ўзбекистон Миллий олимпия қўмитаси, Ўзбекистон футбол ассоциацияси мутасаддилари, чемпион йигитларнинг мураббий ва тарбиячилари, оммавий ахборот воситалари ходимлари, кенг жамоатчилик томонидан тантанали кутиб олинди.
Маълумот учун ўзбекистонлик футболчилар Жаҳон Чемпионатида Покистон (0:0, гуруҳ), Россия (2:0, гуруҳ), Непал (2:1, чорак финал), Бурунди (1:0, ярим финал) терма жамоалари билан куч синашиб, мағлубиятсиз ҳал қилувчи баҳсга етиб келди.
Финал учрашувида ўзбекистонликлар иккинчи бор покистонлик рақиблари билан тўқнаш келди. Учрашувнинг асосий вақтида дуранг (1:1) натижа қайд этилгач, пенальтига мурожаат этилди. Лотереялар баҳсида Покистон термаси 6:5 ҳисобида мағлуб этилди. Қайд этиш керак, Покистон терма жамоаси Жаҳон чемпионатининг амалдаги ғолиби ҳисобланарди.
Изоҳ (0)