Бугун,

  • USD 11095.31
  • RUB 173.84
  • EUR 10772.44

Туркия пойтахтида ишбилармон кишиларнинг EcoAvrasya жамоатчилик бирлашмаси томонидан таъсис этилган «Евроосиё олдидаги хизматлари учун» мукофотининг дастлабки лауреатларини тақдирлаш маросими бўлиб ўтди. Бу ҳақда «Халқ сўзи» хабар бермоқда.

Фото: Президент матбуот хизмати

Фото: Президент матбуот хизмати

Маросимда Туркия президенти Ражаб Тоййиб Эрдўғоннинг мафкура бўйича маслаҳатчиси Ёлчин Топчи, фан, саноат ва технологиялар вазири Фарук Озли, Туркия парламенти аъзолари, хорижий давлатлар, Анқарада аккредитациядан ўтказилган дипломатик миссиялар ва халқаро ташкилотлар вакиллари иштирок этди.

Тадбирга EcoAvrasya раиси Ҳикмет Эрен модераторлик қилди. У ўз нутқида қайд этиб ўтганидек, мазкур бирлашма 2012 йилдан буён «Турк халқлари олдидаги хизматлари учун» танловини ўтказиб келади. Унда мамлакатлар ўртасидаги ўзаро алоқаларни ривожлантириш ва мустаҳкамлашга салмоқли ҳисса қўшган таниқли сиёсатчилар, иқтисодиёт вакиллари мукофотланиб келинади.

«Евроосиё олдидаги хизматлари учун» танлови эса илк бор таъсис этилди. Мазкур юксак мукофот тақдим этилиши Евроосиё мамлакатлари ўртасидаги ўзаро фойдали муносабатларни равнақ топтиришга сезиларли ҳисса қўшган шахслар ва институтларга кўрсатилган ҳурмат-эҳтиром намунаси ҳисобланади.

EcoAvrasya бошқаруви кенгаши «Евроосиё олдидаги хизматлари учун» танловининг асосий номинацияси ғолиблиги учун турли номзодларни ўрганиб чиқди ва уни Ўзбекистон Президенти Шавкат Мирзиёевга беришга қарор қилди. Бу борадаги қарор бир овоздан қабул қилинди. Юксак мукофот давлат раҳбари томонидан мамлакатда амалга оширилаётган ва нафақат республика, балки кенг минтақани ўзгартираётган, иқтисодий алоқаларни фаоллаштиришнинг асосий омилига айланган чуқур ҳамда жадал ислоҳотлар учун берилди.

Х. Эрен Ўзбекистон Марказий Осиё давлатлари ва Афғонистон, Россия, Хитой, Жанубий Корея, Туркия билан ўзаро алоқаларда мисли кўрилмаган ўсишга эришганини алоҳида эътироф этди. Унинг сўзларига кўра, комиссия аъзолари Ўзбекистонда мазкур йўналишда қўйилаётган тарихий қадамларни завқ-шавқ билан кузатиб борди ва биринчи мукофотни ушбу давлат етакчисига топширишга аҳд қилди.

Ушбу ташкилот бошқаруви кенгаши ва унинг барча аъзолари номидан Х.Эрен Ўзбекистоннинг Туркиядаги Фавқулодда ва мухтор элчисини саҳнага чақирди ҳамда мукофотни давлат раҳбарига бутун Евроосиё жамоатчилиги олдидаги тарихий хизматлари белгиси сифатида топширишни сўраган ҳолда тантанали равишда тақдим этди.

Изоҳ
Асосий янгиликлар
Маҳаллий
Тошкент вилоятида 2023 йилда 9 минг гектар майдон қисқартирилиб, 25 сотихдан аҳолига берилади
Маҳаллий
Тошкент вилоятида келин қайнонасига 20 марта пичоқ урди (видео)
Дунё
Эронда мамлакат терма жамоасининг ЖЧдаги мағлубиятини нишонлаган йигит отиб ўлдирилди