Аввал маълум қилганимиздек, жорий йил 21 апрель куни Қозоғистоннинг Жамбул вилояти, Кордай тумани ҳудудида юз берган йўл-транспорт ҳодисасида 2 нафар ўзбекистонлик ҳалок бўлди, 8 киши жароҳатланди. Бу ҳақда ФВВ ахборот хизмати хабар бермоқда.
23 апрель куни соат 6:00 да Ўзбекистоннинг Қозоғистондаги элчихонаси вакили бошчилигида 2 кишининг жасади ва 5 нафар жабрдийда Ўзбекистонга олиб келинди.
Тошкент вилоятининг «Ғишткўприк» чегара постида уларни кутиб олиш ташкиллаштирилди. Тегишли ҳужжатлар расмийлаштирилганидан сўнг Фавқулодда вазиятлар ва Ички ишлар вазирликлари вакилларининг кузатуви билан Соғлиқни сақлаш вазирлигининг махсус транспортида ҳалок бўлганлар жасади Фарғона вилоятига етказилиб, яқин қариндошларига топширилди.
5 нафар жароҳат олган фуқаро Республика шошилинч тиббий ёрдам илмий марказига даволаниш учун жойлаштирилди.
Ҳозирда яна икки киши — 1987 йилда туғилган Давлат Мадатов ва 1994 йилда туғилган Бахтиёр Холмирзаевга Қозоғистоннинг Кордай туманидаги марказий шифохонада тиббий ёрдам кўрсатилмоқда.
Изоҳ (0)