Ўзбекистон Инвестициялар бўйича давлат қўмитаси «Марказий Осиё, Кавказ ва Россия минтақасидаги энг яхши инвестицион лойиҳа» йўналишида мукофотни қўлга киритди. Бу ҳақда Президент матбуот котиби Комил Алламжонов маълум қилди.
2018 йил 9 апрель куни Бирлашган Араб Амирликларининг Дубай шаҳрида анъанавий Annual Investment Meeting (AIM) халқаро инвестициявий форуми доирасида AIM 2018 Investment awards мукофотларини топшириш маросими бўлди.
«2017 йилда Марказий Осиё, Кавказ ва Россия минтақасидаги энг яхши инвестицион лойиҳа» номинациясида Ўзбекистон Республикаси Инвестициялар бўйича давлат қўмитаси ғолиб бўлди.
«Бу Президентимизнинг инвестициявий муҳитни яхшилаш борасидаги ислоҳотларининг халқаро эътирофи ва баҳосидир. Барча юртдошларимизни табриклайман ва янги муваффақиятлар тилайман!» — деб ёзди Комил Алламжонов.
Изоҳ (0)