2018 йил 9 апрелдаги Ҳукумат қарорига асосан Абдусалим Юсупов ва Ғайрат Абдувоҳидовлар Картошка етиштирувчилар уюшмаси раисининг ўринбосарлари этиб тасдиқланди. Бу ҳақда Ўзбекистон Адлия вазирлигининг «Ҳуқуқий ахборот» Telegram-каналида хабар берилди.
Эслатиб ўтамиз, Картошка етиштирувчилар уюшмаси Президентнинг 2018 йил 23 февралдаги қарорига асосан ташкил этилган бўлиб, унинг асосий вазифаси республикада хорижий технология асосида маҳаллий картошка уруғчилигини ривожлантириш, ҳосилдорлиги юқори бўлган картошка кўчатларини етиштиришни ташкил этиш ҳисобланади.
Март ойида Элёр Тошпўлатов ҳукумат қарорига мувофиқ Картошка етиштирувчилар уюшмаси раиси этиб тайинланган эди.
Изоҳ (0)