БАА ва Арабистон ярим ороли давлатларида оммалашган Duroob кўрсатувининг тўртинчи мавсуми Ўзбекистон ҳақидаги бир неча лавҳадан бошланади. Бу ҳақда Туризмни ривожлантириш қўмитаси маълум қилди.
Кўрсатув бошловчиси дунёнинг 110 мамлакатида бўлган, саёҳат ҳақидаги бир неча китоб муаллифи, хорижий давлатлар билан маданий ҳамкорлик бўйича маслаҳатчи ҳисобланади.
Лавҳалар DubaiTV телеканали орқали Рамазон ойида намойиш этилади.
Суратга олиш ишлари 6 апрелда Тошкентда бошланди. Ҳозиргача пойтахт табиати, транспорти, маҳаллий таомлар ва бой исломий мерос ҳақидаги сюжетлар тасвирга олиб бўлинди.
Изоҳ (0)