Мутахассислар Android платформасидаги қурилмаларга ҳужум қилувчи, яширинча тинглайдиган янги вирус пайдо бўлганини маълум қилди, деб ёзади «РИА Новости».
RedDrop номли дастур қурилма атрофида юз бераётган барча ҳодисаларни диктофонга ёзиб олади ва аудиони файллар билан айирбошлаш хостингига юклаб қўяди. Бундан ташқари, вирус сездирмасдан фойдаланувчини пулли мобил сервисларга обуна қилиши ва смартфонга бошқа зарарли дастурларни ўрнатиши мумкин.
RedDrop Android учун мўлжалланган 50 дан ортиқ халқаро мобил дастурлар таркибида аниқланган, улар орасида график редакторлар, калкуляторлар, кўнгилочар ва таълим дастурлари бор.
Бундай вирус билан зарарланмаслик учун мутахассислар дастурларни фақат расмий дўконлардан юклаб олишни тавсия қилади.
Изоҳ (0)