Ходимларни танлаш 3—5 йилдан сўнг тўлиқ автоматлаштирилиши мумкин. Россияда ўзгаришлар Москва меҳнат бозоридан бошланади, кейин ҳудудларга тарқалади. Бу ҳақда JungleJob рекрутинг агентлиги асосчиси Евгения Дворская маълум қилди, деб ёзмоқда «ТАСС».
Унинг сўзларига кўра, чақирувлар маркази ходими каби мутахассислик учун номзодларни оммавий саралаш аллақачон роботлар ёрдамида амалга оширилмоқда. Келажакда роботлар мимика таҳлили, ижтимоий тармоқларда ўзини тутиши, жарималарнинг борлиги ва бошқа ҳужжатларга қараб, компаниялар учун номзодларни танлайди.
Машина томонидан баҳоланган натижаларни кўриб чиқиш бир дақиқа вақт олади. Бу орқали ходимлар билан шуғулланувчи бир нафар ходимга бир йилда тўланадиган 500 миллион рубль, ходимнинг бир ойда 88 соат вақти тежаб қолиниши мумкин. Қарорни машина қабул қилади — бу айни кунда меҳнат бозори интилаётган мақсад.
Изоҳ (0)