Германиянинг Vodafone мобил оператори ва Финляндия Nokia компанияси 2019 йилда Ойда биринчи 4G тармоғини яратади. Бу ҳақда «ТАСС» хабар берди.
Хабар берилишича, айни пайтда Ернинг табиий йўлдошида мобил тармоқнинг қисмларини яратиш ишлари давом этмоқда. Nokia томонидан маълум қилинишича, унинг қурилмасининг вазни бир неча килограмм бўлади ва шу пайтгача яратилганлар орасида энг енгили бўлади. Уни Ой сатҳига олиб чиқиш SpaceX компаниясининг Falcon 9 элтувчиси ёрдамида амалга оширилади.
4G тармоғининг яратилиши Ойдан Ерга видеотасвирларни ва бошқа маълумотларни трансляция қилиш учун зарур. Янги қурилма Audi компаниясининг Ойда ҳаракатланиш учун яратилган иккита машинаси ўртасида алоқани таъминлашга ҳам хизмат қилади. Машиналардан Ойда 1972 йилда бўлган «Апполон-17» кемасининг изини бориб кўриш учун фойдаланилади.
Бу лойиҳада компанияларга Германиянинг PTScientists хусусий космик компанияси ёрдам бермоқда. Мазкур компания ўзининг Ой дастури доирасида машиналарни Ойга олиб чиқишга ва Ер билан алоқани таъминлашга хизмат қилувчи модул устида ишламоқда.
Изоҳ (0)