Каталониянинг “Барселона” клубида жамоа сардори ўзгариши мумкин. Клубга яқин манбаларнинг хабар беришича, раҳбарият боғичнинг ҳозирги эгаси — дарвозабон Марк-Андре тер Штегендан сардорликни олиш масаласини кўриб чиқмоқда. Бунга немис посбонининг узоқ давом этаётган жароҳати ва унинг жамоа ичидаги айрим хатти-ҳаракатлари сабаб бўлган.
Ҳозирда клуб ичида сардорликка даъвогар сифатида тўртта асосий номзод тилга олинмоқда: Роналд Араухо, Фрэнки де Ёнг, Педри ҳамда Рафинья. Айнан ушбу футболчилар тер Штегеннинг ўрнини эгаллаши мумкин бўлган асосий даъвогарлар сифатида кўрилмоқда.
Mundo Deportivo нашрининг ёзишича, сардорлик учун яна бир нечта футболчилар — Инаки Мартинес, Роберт Левандовски, Ферран Торрес ва ёш иқтидор эгаси Ламин Ямал ҳам номзодлар сафидан жой олган.
Асосий масала шундаки, бош мураббий Ханси-Дитер Флик сардорни шахсан ўзи танлайдими ёки бу борада жамоа ичида овоз бериш ўтказиладими — айни пайтда ушбу савол кун тартибида турибди. Якуний қарор яқин кунларда эълон қилиниши кутилмоқда.
Изоҳ (0)