Stratolaunch компанияси қанотларининг узунлиги бўйича дунёдаги энг катта ҳисобланувчи Model 351 самолётини синовдан ўтказди, деб хабар берди National Geographic.
Мазкур ҳаво кемасининг баландлиги 15 метрга тенг бўлиб, иккита 72 метрли фюзеляждан иборат. Қанотларининг умумий узунлиги 117 метрни ташкил этади, бу эса бутун бошли футбол майдонига тенг демакдир.
Captured new video of @Stratolaunch plane as it reached a top taxi speed of 40 knots (46 mph) with all flight surfaces in place on Sunday. The team verified control responses, building on the first taxi tests conducted in December. pic.twitter.com/OcH1ZkxZRA
— Paul Allen (@PaulGAllen) February 26, 2018
Ёқилғи билан тўлдирилмаган самолётнинг оғирлиги 227 тоннани, ёқилғи билан эса — 340 тоннани, тўлиқ юкланиш билан — 590 тоннани ташкил этади. Фойдаланишга топширилганидан сўнг, ушбу самолёт Pegasus XL ракета-ташувчисини учириш платформасига айланади: у қуйи орбитага учадиган ракета-ташувчини 9100 метр баландликка қадар кўтариб чиқади. Бироқ ҳозирча у қачондан бошлаб ишга туширилиши номаълум.
Биринчи босқич унинг 28 та ғилдиракли шассисини мустаҳкамликка синашдан иборат; 2017 йилнинг декабрида унинг тезлиги соатига 45 километрга қадар чиққан эди. Янги синовлар эса жорий йилнинг 24 ва 25 февраль кунлари Калифорния штатидагиMojave Air and Space Port полигонида ўтказилди. Рекордчи самолёт соатига 74 километр тезлик билан ҳаракатланишга муваффақ бўлди.
Тахминларга кўра, самолёт ўзининг илк парвозларини 2020 йилдан сўнг амалга оширади.
Изоҳ (0)