Мексикада жиноий тўда томонидан ўғирлаб кетилган икки нафар АҚШ фуқароси озод этилди, деб ёзади «РИА Новости» Нуэво-Леон штати прокуратурасига таяниб.
Гап Монтеррей шаҳрида йўқолиб қолган Техас фуқаролари ҳақида бормоқда. Улар ушбу ҳудудга 17 февраль куни етиб келган, эртаси куниёқ қариндошлари улар билан алоқани йўқотган.
Америкаликлар ўғирлашларга қарши кураш отрядининг махсус операциялари натижасида қутқарилди, воқеа жойида уларни ўғирлаб кетганлар қўлга олинди. Озод этилган АҚШ фуқаролари ўз ватанига етказилди.
Изоҳ (0)