АҚШда 1987 йили Алабамада қотиллик содир этгани учун ўлим жазосига маҳкум қилинган Дойл Хэммнинг қатл маросими беркор қилинди. Маҳбуснинг адвокатини сўзларига қараганда, қамоқхона тиббиёт ходимлари 2,5 соат давомида маҳбуснинг вена томирларини топа олмагани сабаб унга инъекция юбора олмаган. Бу ҳақда Columbia Law School хабар берди.
Ҳимоячи томоннинг айтишича, маҳбусга инъекция юборишга бўлган ҳар қандай уриниш — жуда шафқатсиз жазо ҳисобланади, чунки Хэмм саратоннинг сўнгги босқичи ва гепатит билан касалланган. Шунингдек, маҳбус узоқ вақт гиёҳванд моддалар қабул қилганлиги сабаб унинг веналарига қаттиқ шикаст етган. Қамоқхона шифокорлари Хэммга салкам 12 маротаба укол қилган, бироқ қатл учун ажратилган вақт тугаб қолганлиги сабаб ўлим жазосини ижро этишни кечиктиришга қарор қилинган.
БМТнинг инсон ҳуқуқлари ҳимоячилари узоқ вақтдан бери АҚШ ҳукуматини Дойл Хэмнинг қатлини бекор қилишга чақириб келади. Уларнинг сўзларига қараганда, томирга юбориладиган инъекция чидаб бўлмас оғриқни юзага келтиради, бу ҳолда қатл худди қийноқ каби бўлиб қолади.
Изоҳ (0)