АҚШнинг Солт-Лейк-Сити шаҳридаги халқаро аэропортда Southwest Airlines авиакомпаниясининг Boeing 737 йўловчи самолёти ёнаётган двигатель билан ерга қўндирилди, деб хабар беради «РБК».
Авиакомпания вакилининг айтишича, самолёт Солт-Лейк-Ситидан Лос-Анжелесга учаётган эди. Самолёт ҳавога кўтарилганидан бир неча дақиқа ўтганидан кейин учувчилар ўнг томондаги двигатель ишида носозликни пайқади ва аэропортга қайтиш ҳақида қарор қабул қилди. Парвоз ҳаммаси бўлиб 30 дақиқа давом этган.
Ҳодиса юз берган вақтда самолёт бортида 110 нафар йўловчи ва беш нафар экипаж аъзолари бўлган. Ҳаво кемаси аэропортга муваффақиятли қўндирилган. Ерда самолётни тез ёрдам кутиб турган эди, бироқ самолётдагиларга унинг ёрдами керак бўлмади.
Йўловчилардан бири парвоз вақтида ғайриоддий овозлар эшитилганини, кейинроқ эса самолёт силкиниб, салондаги ёритиш тизими эса ўчиб ёна бошлаганини маълум қилган. Унинг сўзларига кўра, двигателдан ўт чақнаб, тутун кўрина бошлаган.
Самолёт авариявий қўнишни амалга оширганидан сўнг йўловчилар Лос-Анжелесга бошқа самолётда учирилган.
Изоҳ (0)