АҚШ президенти Дональд Трамп 25 февраль куни Оқ уйда штатлар губернаторлари учун уюштирилган қабул маросимида Америка мактабларида отишмаларга бошқа йўл қўймаслик кераклигини айтди, деб ёзади «ТАСС».
«Эртага сиз билан муҳим учрашувларимиз бўлиб ўтади. Биз Паркленд ҳақида ва ўтган ҳафта юз берган бу даҳшатли ҳодиса ҳақида гаплашамиз. Бу масалани биз энг биринчи бўлиб муҳокама қиламиз, деб ўйлайман, чунки мамлакатимизда бўлаётган ҳодисаларга нуқта қўйишимиз керак», — деди у қисқа нутқи чоғида.
Сайлов кампанияси чоғида америкаликларнинг қурол олиб юриши ҳуқуқини ҳимоя қилиб чиққан ва ҳукумат одамларнинг қандай қурол олиб юриши мумкинлиги ҳақида буйруқ бера олмаслигини айтган Трамп 14 февраль куни Паркленд шаҳридаги мактаблардан бирида юз берган қирғиндан кейин қаттиқ танқидга учради. Ушбу мактабнинг собиқ ўқувчиларидан бири — 19 ёшли Николас Круз ўт очиши натижасида 17 киши ҳалок бўлди, 14 киши яраланди.
Изоҳ (0)