Ироқ жиноий суди ИШИДни қўллаб-қувватлашда айбланган туркиялик 16 нафар аёлга ўлим ҳукми чиқарди. Бу ҳақда «ТАСС» хабар бермоқда.
Мамлакат олий суд кенгаши вакили Абдулсаттор Байроқдорга кўра, «тергов чоғида судланувчилар гуруҳга мансуб эканликлари ва жангариларни қўллаб-қувватлаб келганини тан олди. Ҳукм Ироқ аксилтеррор қонунчилигига биноан чиқарилди ва мамлакат судида унга шикоят келтирилиши мумкин».
ОАВ Ироқ расмийлари ИШИД жангариларига турмушга чиққан бир неча юз аёлни қўлга олганини таъкидламоқда. Улар орасида Евроиттифоқ, Осиё давлатлари, шунингдек, АҚШ ва Россия фуқаролари бор.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)