КХДР делегацияси параллель тарзда Корея Республикаси ва АҚШ билан алоқаларини ривожлантиришга рози бўлди, деб ёзади «ТАСС» Жанубий Корея президентининг расмий вакили Ким Ий Гёмга таяниб.
«Президент Мун Чжэ Ин АҚШ ва Шимолий Корея ўртасидаги икки томонлама алоқаларни яхшилашга ва Корея ярим ороли муаммоларини пухталик билан ҳал қилишга қаратилган мулоқот иложи борича тезроқ бошланиши кераклиги ҳақида кўрсатма берди», — деди мамлакат етакчисининг вакили КХДР вакиллари билан учрашув якунларига кўра.
Унинг сўзларига кўра, бунга жавобан КХДР вакиллари «Шимолий Корея ва АҚШ алоқалари Пхеньян ва Сеулнинг ўзаро муносабатлари билан параллель тарзда ривожланиши кераклиги ҳамда Шимолда АҚШ билан музокаралар олиб бориш учун етарлича асослар борлиги ҳақидаги фикрга қўшилган».
КХДРлик мансабдорлар Пхёнчхандаги Олимпия ўйинлари ёпилиш маросимида иштирок этиш учун Жанубий Кореяга етиб келди. Кечки пайт эса делегация Корея Республикаси президенти Мун Чжэ Ин билан бир соатлик учрашув ўтказди.
Изоҳ (0)