МДҲ давлатлари ва Европа темир йўлчилари инфраструктура лойиҳалари ва уларга инвестициялар жалб этишни муҳокама этиш учун Венада тўпланди. Бу ҳақда «РИА Новости» хабар бермоқда.
«Стратегик шериклик 1520: Марказий Европа» форуми 21 февраль, чоршанба куни бошланди ва икки кун давом этади.
Форумнинг асосий тадбири «Евроосиё йўлаги ва Янги Ипак йўли. Бир-бирига юзланиб» пленар баҳси бўлади. Унда иштирокчилар Шарқ—Ғарб йўналишида темир йўл транзит қатнови тезлиги ва сифатини ошириш имкониятини кўриб чиқади.
Алоҳида сессиялар халқаро логистика, темир йўл инфраструктурасини молиялаштириш ва қуриш масалаларига бағишланади.
Изоҳ (0)