АҚШ Хитой томонидан юзага келиши мумкин бўлган хавфга тайёр туриш мақсадида Шарқий Осиёга ҳозирда Яқин Шарқда бўлган бўлинмаларини жойлаштириб, минтақадаги ҳарбий иштирокини оширишни режалаштирмоқда. Бу ҳақда Wall Street Journal’га таяниб, «Корреспондент.net» хабар берди.
Нашрнинг маълумотларига кўра, ҳозирда Американинг Японияда 50 минг нафар, Жанубий Кореяда 30 мингга яқин, Тинч океанидаги АҚШнинг энг йирик базаси жойлашган Гуам оролида 7 минг ҳарбийси мавжуд.
Бундан ташқари, АҚШ қуролли кучлари қўмондонлиги ҳар қандай хавфга (табиий офат ҳамда хавфсизликка таҳдид қилувчи) қарши тезкор чора кўришга тайёр бўлган денгиз пиёдаларини жойлаштиришни режа қилган.
Изоҳ (0)