AQSh Xitoy tomonidan yuzaga kelishi mumkin bo‘lgan xavfga tayyor turish maqsadida Sharqiy Osiyoga hozirda Yaqin Sharqda bo‘lgan bo‘linmalarini joylashtirib, mintaqadagi harbiy ishtirokini oshirishni rejalashtirmoqda. Bu haqda Wall Street Journal’ga tayanib, “Korrespondent.net” xabar berdi.
Nashrning ma’lumotlariga ko‘ra, hozirda Amerikaning Yaponiyada 50 ming nafar, Janubiy Koreyada 30 mingga yaqin, Tinch okeanidagi AQShning eng yirik bazasi joylashgan Guam orolida 7 ming harbiysi mavjud.
Bundan tashqari, AQSh qurolli kuchlari qo‘mondonligi har qanday xavfga (tabiiy ofat hamda xavfsizlikka tahdid qiluvchi) qarshi tezkor chora ko‘rishga tayyor bo‘lgan dengiz piyodalarini joylashtirishni reja qilgan.
Izoh (0)