Вернер Липак Осиё тараққиёт банкининг Марказий ва Ғарбий Осиё бўйича департаменти бош директори этиб тайинланди. Бу ҳақда ОТБ матбуот хизмати маълум қилди, дея хабар беради «Халқ сўзи».
Ундан олдин бу лавозимни Шон ЎСалливан эгаллаб турганди.
Липак бош директор сифатида минтақадаги 10 давлат — Ўзбекистон, Қозоғистон, Қирғизистон, Тожикистон, Туркманистон, Покистон, Озарбайжон, Грузия, Арманистон ва Афғонистонда ушбу молия муассасаси фаолиятини бошқаради.
У минтақада ОТБнинг 155 та лойиҳасини ўз ичига олган 18,6 миллиард долларга тенг портфели амалга оширилишини назорат қилади.
Янги бош директор, шунингдек, Осиёдаги энг йирик минтақавий ҳамкорлик дастурларидан бири — Марказий Осиё иқтисодий ҳамкорлик дастури доирасидаги ишларга ҳам раҳбарлик қилади.
Изоҳ (0)