Доғистонлик депутатлар 7 февраль, чоршанба куни Артём Здуновни республика бош вазири лавозимига тасдиқлади. Бу ҳақда «РИА Новости» хабар бермоқда.
40 ёшли Здунов Татаристон иқтисодиёт вазири бўлиб ишлаб келаётганди.
Шу куннинг ўзида Доғистон ҳукуматининг айрим аъзолари ҳам тайинланди. Жумладан, Анатолий Карибов бош вазирнинг биринчи ўринбосари, Усмон Хасбулатов иқтисод, Уммуфозил Умарова таълим ва фан вазири лавозимини эгаллади.
Эслатиб ўтамиз, 5 февраль, душанба куни Доғистон бош вазири Абдусамад Гамидов, унинг ўринбосарлари Шомил Исаев ва Раюдин Юсуфов, собиқ таълим вазири Шоҳаббос Шохов бюджет маблағларини ўмаришда гумон қилиниб, ҳибсга олинганди.
Изоҳ (0)