ИШИДга қарши кураш бўйича АҚШ раҳбарлигидаги коалиция Сурияда ҳукуматпараст кучларга зарба бериши ҳақида Россияни олдиндан огоҳлантирган, деб ёзади «Газета.ru» Пентагон расмий вакили Дана Уайтга таяниб.
«Коалиция ҳафта давомида режимни қўллаб-қувватловчи кучлар аста-секинлик билан оширилаётганини кузатди. Коалициянинг расмий шахслари Россия расмий шахсларини SDF кучларининг иштироки ҳақида ҳужумдан аввал низолар олдини олиш каналлари бўйича огоҳлантирди. Бу каналлар ўз мақсадини бажарди», — деди Уайт.
Унинг сўзларига кўра, Россия ҳарбийлари билан алоқа коалиция кучлари ҳужуми чоғида ҳам, ундан кейин ҳам тутиб турилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)