Буюк Британия бош вазири Маргарет Тэтчер Шимолий Ирландияга сафари чоғида ҳаракатланган зирҳли автобус сотувга қўйилди. Машинанинг ҳозирги эгаси уни 25 минг фунт стерлингга сотмоқчи, дастлаб эса автобусга беш миллион сўрашаётган эди, деб ёзади «Мотор».
36 нафаргача йўловчини ташишга қодир транспорт воситаси ўқ ва товуш ўтказмайдиган капсула билан жиҳозланган. Автобуснинг оғирлиги 17,5 тоннага тенг. Унга механик нагнетателли 12 литрли дизель ўрнатилган бўлиб, соатига 130 километр тезликка эриша олади.
Шунингдек, автобус кимёвий, биологик ва радиациявий ифлослантирувчилардан ҳимоя қилувчи фильтрли ҳаво узатиш ёпиқ тизими ва ўқ ўтмайдиган покришка билан жиҳозланган.
Автобус 1984 йилда Тэтчерга Ирландия республика армияси жангарилари томонидан суиқасд ташкил қилинганидан сўнг дарҳол ясалган. Кейинроқ ундан аскарларни Лондондерри аэропортидан Белфастга ташиш учун фойдаланилган.
Изоҳ (0)