23 ёшгача бўлган футболчилар ўртасидаги Осиё Чемпионатида чорак финалга йўлланма олган биринчи терма номи маълум — Япония.
Токио—2020 Олимпиадасига тайёргарлик сифатида Осиё Чемпионатига келган японияликлар, қолган термалар билан солиштирганда энг кичиги экани билан ажралиб турганди. Улар аввалига Фаластин, кейин эса Таиланд устидан минимал ҳисобларда зафар қучиб, навбатдаги босқич масаласини ҳал қилди. Сўнгги турда япониялик футболчилар гуруҳ пешқадами бўлиш учун принципиал рақиб — КХДРга қарши саф тортади.
Осиё Чемпионати U23 «B» гуруҳи. 2-тур 13 январь, шанба
Фаластин — КХДР 1:1
Голлар: Одай Дабба, 16 (1:0). Муҳаммад Боссим, 74-авт (1:1).Таиланд — Япония 0:1
Гол: Ко Итакура, 90 (0:1).
Осиё Чемпионатига қадар Равшан Ҳайдаров бошчилик қилган Ўзбекистон термаси Япониянинг мазкур таркибини финалда енгиб, Таиланддаги турнирда ғолибликни қўлга киритганди.
Малайзия — Иордания 1:1
Голлар: Вард Ал-Барри, 16 (0:1). Рашид Сафавий, 43-пен (1:1).Саудия Арабистони — Ироқ 0:0
Изоҳ (0)