2018 йилнинг 1 январидан Польшада еттита янги шаҳар пайдо бўлди, деб хабар беради «Корреспондент.net».
«Шаҳар мақомини олиш аҳоли яшаш пунктлари учун имижнинг ўзгаришини англатади. Бу эса шаҳарларга инвестиция жалб қилиш нуқтаи назаридан сезиларли даражада фойда келтириши мумкин», — дейилади хабарда.
Польша ҳукумати мамлакатнинг турли ҳудудларида жойлашган Висла устидаги Юзефув, Отин, Санники, Туловице, Вислица, Лагув ва Радошице аҳоли яшаш пунктларига шаҳар мақомини бериш тўғрисида қарор қабул қилди.
Мазкур етти шаҳардан бештаси қачонлардир шаҳар мақомига эга бўлган, бироқ турли вақтларда мазкур мақомни қўлдан бой берган эди.
Бугунги кунда Польшада 930 та шаҳар бор.
Изоҳ (0)